காலை நேரம்

அழகான காலை வேளை,

ஜன்னலின் வழியே சூரிய ஒளியின்,

மிதமான ஸ்பரிசம் !

வானிலே மிதக்கும் மேகக் கூட்டங்கள்!

விடிந்தும் பிரிய மனமின்றி

இருக்கும் நிலவு!

சற்றும் ஓயாமல் துரு துருவென

சுற்றி திரியும் பறவை கூட்டங்கள்!

விண்மீன் கூட்டங்கள் ஒளியில் மங்கினாலும் ,

வானிற்கு வண்ணங்கள் சேர்க்கும் முயற்சியில் !

இயல்பினை மறந்தேன்

இவை அனைத்தின் வருடலில் !

காயப்பட்ட இதயத்திற்கோ இவைகள்

அறிய மருந்து!

மோட்சம் பெறாத விழிகளுக்கோ ,

இவைகள் அறிய விருந்து !

தேடலில் தொலைத்தேன்!

உன்னை பற்றி எழுத நினைத்தேன் ,
பேனா நுனியும் மயிலிறகு ஆனது ...
உன்னை காண நிலவை தேடினேன் ,
என் சோகத்திற்கு ஏற்ப ,
அமாவாசை ஆனது ..
வானத்தில் உன்னை தேடியே ,
மேகமும் என்னுடன் கண்ணீரை சிந்துதோ ?
உன்னை தேடிய வியப்பில் தான்
கடல் அலையும் ஓய்ந்ததோ ?
பலமுறை தேடியும்
உன்னை தொலைத்தேன் !
தேடலில் மட்டுமே ..
நினைவுகளில் அல்ல !!!

மழைக் காதல்!-படித்ததில் பிடித்தது

நீ குடை விரிப்பதற்குள்
உன்னை தொட்டு விட்ட
மழைத்துளிகளை பார்த்து,
இன்னும் கறுத்தது வானம்,
என் முகமும் தான்...

காதலர்களின் பொய்கள் !

பிரிவின் தாக்கத்தின் போதும் ,

கண்கள் கலங்கும் போதும் ,

கண்ணில் தூசி விழுந்து விட்டது என்ற பொய் !

நினைவுகளின் தாக்கத்தால்

கனவுகளின் தொல்லையால்

விழித்திருந்துவிட்டு

தூக்கமில்லை என்ற பொய் !

சண்டை சச்சரவுகளில் இருந்துவிட்டு ,

ஏன் சோகமாய் இருகிறாய் என்று கேட்கும் தோழியிடம் ,

மனசு சரி இல்லை என்ற பொய் !

எத்தனை பொய்கள் தான் கூறுவாய்

என்று கேட்கும் மனதிடம்

என் காதலை மறக்கும் வரை

என்று மனதிடமும் பொய் !

காதல் மெய்யாகும் போது

பொய்களும் மெய்யாகுமே !

நட்பு !காதல் !

முன்னுரை இன்றி தோன்றும் காதலுக்கும் ,
முன்னுரையோடு தோன்றும் நட்புக்கும் ,
வேறுபாடு ஒன்று மட்டுமே !
காதல் முடிவுரை ஆனால் நட்பின் முகவரி தோன்றும் .
நட்பு முடிவுரை ஆனால் ஆயுளின்
முகவரியே தொலைந்து விடும்!!

விமான பயணம்!

முதல் முறையாய் பூமியை கண்டேன்

பல வண்ணங்களில்

நான் உன்னுள் இருந்த போது!

என் செவிகளும் செயல் இழப்பதை உணர்ந்தேன்

பூமியை விட்டு பிரிந்து சென்ற போது!

விண்ணில் பறப்பது போன்ற உணர்ச்சி

உன்னுள் இருந்த அந்த சில நொடிகள் !

வாழ்வை இன்னும் அழகாய் மாற்றிய தருணம் அவை !

என்றும் மாறாத முத்திரையாய் பதிந்தது

என் முதல் விமான பயணம் !

இயற்கையின் அழகு !

யாரும் இல்லாத அமைதியான சாலை ,

மௌனத்தை கலைக்கும் வண்ணம்

சாலையில் ஊடுருவிய வாகன சப்தம் !

ஜன்னலை மூட மனம் இல்லை

தென்றலின் ஸ்பரிசத்தில் லயித்து போனதால் !

பௌர்ணமி ஆன அன்று ,

ஹய்யோ இதுவரை நான் பார்த்திடாத அழகை கண்டேன் நிலவில் !

ஒளியற்ற புல்வெளியை சூரியன்

மெருகூட்டுவது போல

அந்த மௌனமான சாலையை

மெருகூட்டியது வாகனத்தின் ஒளி!

சற்றும் எதிர் பார்க்காத வண்ணம்

மேகம் என்னை காண துடித்ததினால்

மழையை தூதாக அனுப்பியது !!

ஆகா மழை தான் எத்தனை அழகு ?!

சாலை ஓர மரங்களின் ஓயா நடனத்தின் அழகு தான் எத்தனை?!

இவற்றின் அபிநயத்தில் தொலைத்தேன் என்னை

என்னை மட்டும் அல்ல என்னில் இருந்த பாரங்களையும் தான் !!